Meray geeton main bastay ho
Kia khoob kartay ho
Naye rangon main sajtay ho
Kia khoob kartay ho
Baadalon, yoon na muon phero
Main tou bus phir hoon sawali
Afaton, mujh say na rootho
kay main ab dard say hoon aari
kabhi dekhay jo woh chehray
ghiray gardish ki baanhon main
laut ayee wohi chahat
liyay tuhmat nigahon main
ab bhee chehray badaltay ho?
Kia khoob kartay ho!
Nira ahmaq hoon main bhee tou
Hoon kitna main bhee deewana
Baharon, mujh say kia parda?
Main tou khud say hoon begana
Yeh pagal pan nahi logoun
Hay yay is rooh ka sarmaya
Saazishon ki dhoop main
hay yeh Junoon mera saya
mujhay pagal samajhtay ho?
Kia khoob kartay ho!
No comments:
Post a Comment