Hum khoye huay loag hain.
Dhoondo tou janain…
Gumm hain, sunn hain
Apni hastion main chupay
Mujrim banay
Hain kharay
Kuch maazi kay hijab main
Kuch qurbat kay iztiraab main
Lamhon kay intizaar main
Aur kuch yoon he bekaar main
Gumm hain…
Na soch hay, na hosh hay
Na dil pe koi bojh hay
Hum kho chukay hain roshni
Lafzon ka sukh aur chashni
Hum sab…
Sab luta chukay hain
Aur buht kuch lutana chahtay hain
Hasraton aur nafraton ki rahguzar pe
Sajay hain, kharay hain…
Sada de rahay hain
“Hay koi lutera jo aye…
aur humain loot khaye?”
