Monday, June 13, 2016

Raaz

Sard teri ankhain
Khud gharz teray khel
In aahon main chup hay
Moozi munn ka bhaid

Teri qaid… main koi hay

Narm ahaton main
Dab gaya har shor
Ajnabi baanhon main
Khilta hay dil ka chor

Zer-e-ghaur… hay koi aur

Piyasa khumar, behka saroor
Ye tashnagi hay mera qasoor
Janay kia tu, main kon hoon
Ye raaz hay… mera jawab hay…

“Munn ka bhaid… jo ankhon main basay…”

Badnaam mera jazba
Baynoor mera bhes
Ik kaal kothri hay
Ye waswason ka des

Koi tou… ujala ho

Saakit hay kyun…
Ab tera wajood?
Mujrim hay kyun,
Ye teekhay naqoosh?

Baatil hoon main… Qatil hay tu…

Pyasa khumaar, behka suroor
Yeh tashnagi hay mera qasoor
Sach hay yahee… main wo nahi
Yeh intizar bus intiqaam hay!

“Un ujalon say keh do, kay mera saath chor dain…
Un nigaahon say keh do, kay intizaar chor dain…!”