Friday, July 6, 2012

Shehzadi

Mar miti hay jin naqoosh pay
Wo raazdaan teray nahi
Jo khauf ka mayaar hain
Ik rait ki deewaar hain…

Azal say hay yeh rooh qaid
Aur khwaabnaak hain yeh pal
Nami jo ankh main rehti hay
Meri simt jo behti hay

Luta denay ko yoon tou
hain kayee raaz bay qarar
Kitnay chaand hain sapno kay
Kitnay ghum k sitaray hain

Yoon thum na jati meri saans
Jo tu itni inayat say…
Mujhay rubaru bithati
Aur yeh raat bikhar jati…

Kay pyaasay dil bhee hain
Aur yeh pal bhee…
Yeh chaand bhee, chilman bhee
Yeh jaan-ba-lub qaatil bhee
Hain saagar-o-sahil bhee
Wo bhee hay aur tum bhee…

Yeh junoon pyaas ko uksaye ga
Nayee roshni phailaye ga
Teri aankhon main sama jaye ga
Tujhay rangon main lay ayega
Aur khud fana ho jayega…!

No comments:

Post a Comment